Comment le Gai s’enourgueilli et cuidoit resambler au Paon Ysopet II (Moyen Âge)
Un jais bel et jolif
Devint let et chétif,
Par son oultrecuidance :
Car il se fourjoyoi
Porce que il oyoi
Faire de li loange.
Il ot en giant despit
Tous les jays que il vit;
O eulz ne daigne aler :
O les paons se tenoit,
Porce que il cuidoit.
Au paon resambler.
Quant les paons le vindrent,
En grant despit le tindrent
Et le vouldrent tuer :
Ses pennes li arrachent,
Le bequetent et menachent,
Si qu’il ne puet voler.
Aus jays est retornés
Plumé et mal menés,
Corrodés et dolant :
Il l’ont d’entre eux osté
Et bechié et hurté,
Si qu’il fust tout sanglant.
Qui ses parens renée,
Pour mener grant posnée
Et pour honnor avoir,
Aucun temps reviendra
Qu’il s’en repentira.
Par droit se puet savoir.
Fable XII
Notes
O ou od : ave
Vindrent : pour virent
Posnée : pompe, étalage, puissance.
