Le Lion, le Cochon et le Taureau Gilles Corrozet (1510 - 1568)
Acuisition d'amys
Il faict bon en jeunesse
Acquerre des amys :
Car, quand vient la vieilesse,
En despris on est mis.
Ung Lyon en jeunesse estoit tant furieux
Qu’il feit maintz ennemys; mais, quand il devint vieulx,
La peine il en receut, car la loy talion
En la vieillesse cheut sur le pauvre Lyon.
Ung Sanglier de sa dent luy dessira sa pean,
De ses cornes aussi le frappa le Taureau,
Et l’Asne, desirant le renom effacer
De ce pauvre Lyon, le venoit offencer
En lef rappant des piedz et luy disant injure,
Et le vieillard Lyon, en ceste peine dure,
Disoit en gemissant : « Tout mon temps est perdu,
Car le mal quej’ay faict m’est maintenant rendu.
Ceulx la a qui jay nuy quand j’estois jeune etfort
Me nuysent maintenant et desirent ma mort;
Ceulx a qui j’ay aidé pourchassent mon dommaige.
Las! j’ay esté bien fol quand ainsi en jeune aage
J’ay faict des enemys. Plus fol je fus encores
D'avotr faict faulx amys qui me destruisent ores.
« Cela me monstre bien, et sy est en usaige,
Que quand fortune tourne a aultruy son visaige,
Ceulx qu'il a offencez s’en vengent bien aprés,
Et ses amys aussi ne s’en tiennent plus prés.
Ses amys ne sont pas, mais amys de sa table,
Amys de sa fortune alors qu’est favorable.
Autres amys fault faire au temps qu’on le peut bien,
Amys de tous les temps qui ne veullent que bien.»
Titre original : Du Lyon, du Porc, du Taureau
