Le Lion et le Rat Gilles Corrozet (1510 - 1568)
Les grandz ont affaire des moindres.
Sy tu es grand, garde toy bien
De faire au petit desplaisir,
Pource.que tu ne scais combien
Il te peult faire de plaisir.
Ung Lyon las se reposoit en U’umbre
Dessus ung pré, derriere luy estoient
Ratz et Souriz, voire en assez grand nombre,
Qui entour luy couroient et s’esbatoient.
Lors le Lyon ataignit de sa pate
Ung pauvre Rat, qui le prie et le flate
Pour eschapper ; le Lyon pardonneur,
Voyant n’avoir à sa mort grand honneur,
Le laisse aller en pleine liberté.
O quel grand bien et quel don d'excellence
De voir pitié, courtoisie et clemence
Aux cueurs des grandz, et rendre leur clarté !
Ung plaisir faict ne fut jamais perdu.
Le Lyonfut dedans les liens pris:
La heurle et brait; le Rat s’y est rendu,
Qui de Voster d’illec a entrepris :
Il vient aux lags, et prend sy bon couraige
Qu’il ronge aux dentz la corde et le cordaige,
Et le Lyon s’en va franc et delivre ;
Lors dict le Rat: « Sy par moy tu peulx vivre
Qui sults petit, c’est pour la recompense. »
Car, st te grand au petit doulx se monstre,
Le moindre aussi, pourveu qu'il s’y rencontre, —
Luy revaudra plus que l'aultre ne pense.
Titre original : Du Lyon et du Rat
