De deux Compaignons que L'Ours fist dessambler Ysopet Avionnet (Moyen Âge)

Deux hommes ensemble se mirent
Et par leur foy s'entre-promirent
Que tousjours s'cntrc-aideroient
Par tous les lieux où ils iroient ;
Mais ils ne furent pas ensemble
Gueres alez, si com moy semble,
Qu'ils virent venir un grant ours
Contre eulx, et venoit tout le cours.
Le plus jeune des compaignons
S'enfouye comme mauvais gaignons.
Oncques de foy ne lui souvint,
Et l'autre demourer convint :
Car sauver ne se puet par courre ;
Mais toutesvoyes pour soy secourre,
Que la beste ne le menjuce,
En un tas de feuilles se muce :
Des pies ne des mains ne se meut,
Ains fait semblant au mieulx qu'il peut,
Qu'il soit mort. A tant vient la beste
Qui acourt et sur lui s'arreste :
Aux ongles le va tournoyant.
Quant voit qu'il ne bouge néant,
Si cuide qu'il soit mort pieça,
Ne le mordi ne le bleça :
Car il se doute qu'il ne pue.
A tant s'en va : plus ne remue.
Cil qui paour eue avait
Se lieve : Son compaing le voit :
Si vient a lui et lui enquiert
Qu'il faisait et cornent lui yert :
Compaings, dist-il, qu'avez éu ?
Longuement avez cy géu :
Ditl.es moy ; ccst ours, que vous fist ?
Quelles paroles il vous dit ?
Grant pièce avez esté ensemble :
Or me dittes que vous en semble,
Bien croy qu'il vous a confessié.
Vous dittes voir : Ne m'a cessé
De demander qui vous estiez
Qui ainsi fort vous enfuyez :
Et si m'a bien dit voirement
Servy m'avez desloyaument :
Et quant avec moy vous receu,
Je fis que fol et me deceu
Si m'a conseillié et loué,
Puisque mauvais voir ay trouvé,
Que autrefois garde me preigne,
Comment, n'avec qui m'acompaigne,
S'autel péril vend eschever,
Ou encor me pourra grever.

Les prophètes ainsi nous somme :
Gardes, ne te lies en tntl homme :
Ne en ton frère ne te fie :
Frere ne te racheté mie':
Ne vaudroit l'estimacion
D'argent pour ta rédemption.

Fable IV

Notes

Guignons : chien
Par courre : en courant, par la fuite
Muce, cache
Yert : étoit, de erat
Voir : vrai, vraiment
Antel : tel, parei
Eschever : éviter