Du Singe qui disoit que ces Singios esioient li plus biaux Ysopet Avionnet (Moyen Âge)

Jupiter qui de paradis
Se fist appeler roy jadis,
Fist par son banc crier et querre
En l'air et en mer et en terre
Qui de ses ensans li feroit
Le plus bel présent, il seroit
Bien honorablement repus.
Tout le monde s'en est esmeus,
Homme, femmes, bestes oisiaux,
Et poissons de mer li plus biaux.
Chascuns fils ou fille aporta ;
Le singe qui le eul ort a 1
Son singerot luy aporta.
Le roy et la cour joye en a.
Le roy li demande et enquiert
Où il va, et que céans quiert.
Je vous apporte, par ma teste,
Le plus beau joyau de la feste,
S'a dist le singe a son ort eu :
Or, vueil que je soye pendu
S'il a si biaus fils au monde ;
Là ou il est, tout bien abonde.
Tous les aultres a seurmonté
De gentillesse et de beauté,
Et de bonté, comme il me semble.
Le roy et tous les autre ensemble
S'en gabent, et mocquent, et rient.
Moult est fou li sinee, se dient.

Les aultres choses doit-on bien
Louer, non pas ce qui est sien.
Homme qui trop ses choses loue
Dessert qu'on li face la moue.
De Sénèque l'enseignement
C'est que l'on loue chièrement :
Et plus escharcement blâmer.
Ne doit on autrui blamuer.
Le saint loue après la vie
Homme après la mort manifie :
Car un homme est tantost changiés
De pechiés et de maus angiés,
Où il puet tantost réchéoir.
En louant ce t'estuet véoir.

Fable VII

Notes

Ort : sale, hideux, de horridus
Escharcement : avec parcimonie
Manifie : glorifie, de magnijicare
Angiés : tourmenté, vexé de angere