Le Paysan et le Chien Eustache Deschamps (1340 - 1406)

Uns paisans ot un mastin
Josne, qui le servit long temps ;
Aux loups faisait moult de hutin,
Et gardoit ses brebis aux champs ;
Venaisons prenait et cerfs Brans,
Et si gardoit l'ostel par nuit. Lors l'ama moult Ii paisans :
On est amé tant clam fait fruit.

Mais viellesce vint en la fin
A ce chien, si devint pesans,
Car fait avait maint dur chemin ;
Lors fut a son maistre chargans ;
Batre le fait a ses sergens,
Et dist que cilz vieulz chien lui nuit ;
Les juenes fut adonc prenans :
On est amé tant c'om fait fruit.

Lors dist Rounel en son latin :
J'ay esté tout mon corps usans
A vous paistre de maint lopin.
Garder l'ostel, femme et enfans «
Ce me deust estre secourant.
Mais remuneracion fuit :
Sciez tuit a ce regardant :
On est amen tant c'om fait fruit.

Princes, mains sont aux cours servens
De pieça que viellesce cuit ;
Les nouveaulx boutent hors telz gens :
On est amen tant c'om fait fruit.