L'Aigle et la Corneille Gilles Corrozet (1510 - 1568)
Ne croire faulx conseil,
Qui pour son prouffit seulement
Conseille aultry, il n'est à croire,
Et qui le croit finallement
Se trompe et dechet de sa gloire
Ung Aigle avoit prinse une huistre a Pescaille,
Et ne pouoit la rompre ne casser
Par son effort, mais la Corneille malle,
Qui a tromper ne fatsoit que penser,
Dict : « Sy tu veulx ton escaille froisser,
Volle bien hault, laisse la cheoir en terre,
Il ne fauldra jamais recommencer,
Car en tumbant rompra sur ceste pierre. »
Fut dict, fut faict. L’Aigle prend sa vollée
Tout au plus hault, puis laisse en terre basse
L’huystre tumber;sy viste est devalée
Contre le roch qu’en deulx elle se casse.
Mats la Corneille incontinent amasse
Lhuystre qui est dehors de sa coquille,
Par quoy de dueil quasi l’Aigle trespasse,
En menassant la Corneille subtille.
Il ne fault pas croire sy de legier,
N’adjouster foy a tout conseil qu’on donne ;
Sy par conseil tu veulx ton faict renger,
Avant que faire, advise la personne
Qui te conseille, et de ton cas ordonne :
Car maintenant chascun conseille aultruy
Sy fainctement que qui s’y habandone
Void son dommaige en fin tumber sur luy.
Titre original : De l'Aigle et de la Corneille
