Le Chien et la Brebis Gilles Corrozet (1510 - 1568)
Contre les faulx tesmoings.
Le commandement de la loy
Condamne tout faulx tesmoignaige :
En faulx tesmoing n'a point de foy,
Garde-toy de luy comme saige.
En plein jugement,
Frauduleusement
Le Chien feit demande.
De pain et viande
À la Brebis doulce,
Qui trop se courrouce
Comme non contente -
De debte innocente,
Et respond au Chien
Que ne luy doibt rien.
Le Chien envteux,
Tres malicieux,
Amaine a leur tour
Le Loup, le Vaultour,
Le Milan aussi,
Qui ont dict ainsi,
Parfoy tesmoignaige,
Qu'elle doit et gaige
Le pain demande.
Alors commandé
Luyfut de payer
Sans plus delayer.
Donc, ainsi jugée,
Du Chien fut mangeée :
Car le pain n'avait
Que payer devoit.
Par tel faulx rapport
On luy feit ce tort.
Titre original : Du chien et de la Brebis
