Le Loup et le Buste Gilles Corrozet (1510 - 1568)
Beaulté et peu de sens.
Beaulté de corps est aggreable.
Mais beaucoup plus est amyable
La beaulté d’esprit et bon sens,
Qui nous reigle par faictz decentz.
Ung Loup chez un tailleur d’images
Trouva, entre maintz personnalges
Une teste d’homme bien faicte,
Et par Vart de Pouvrier parfaicte.
Il n’en veid jamais de pareille
Il la regarde et s’esmerveille,
Il la-remue et touche aussi ;
Puis aprés il va dire ainsi:
« O belle teste en aritfice,
Je recognois en toy ung vice:
Tu as de beaulté grand largesse,
Mais tu n’as ne sens ne saigesse. »
La grande beaulté d’humain corps,
Qui se demonstre par dehors,
N’est à louer sy avec elle
N’est science spirituelle.
Sy de beaulté sommes douez,
Nous n’en devons estre louez,
Sinon qu’avec telle beaulté
Feussent joinctz prudence et bonté.
Car le fol, quelque beau qu’il soit,
De s’en priser il se déçoit ;
La folie imprudente et vaine
Est cause qu’on le tient en hayne.
Titre original : Du Loup et de la Teste. Le tailleur d'images est ici le sculpteur.
