Le Renard et la Cigogne Gilles Corrozet (1510 - 1568)
A trompeur trompeur et demy
Qui faict la tromperie
Tromperie luy vient,
Et en fin il convient
Qu'on s'en mocque et s'en rie.
Le fin Regnard convia de souper
Une Cigoigne, et, pour mieulx la tromper,
Sur ung tranchoir luy mist de la bouillie.
De son long bec ne la pouvoit happer,
Mais luy, qui n’a en finesse son per,
En la lechant sa pance ena remplte.
Lors s’en alla la Cigoigne abusée,
Et pense d’estre aultre fois plus rusée,
Et Selle peult luy rendre la pareille:
Car jeu pour jeu, finesse pour finesse,
N’est à blasmer quand au paretl s’adresse.
De le tromper adoncques s’appareille.
Ung temps aprés, la Cigoigne invita
Celluy Regnard, vers lequel s’aquita
En luy souant ung beau tour de maistrise.
De verre cler la fiolle apresta,
Et le manger dedans luy presenta,
Mats il n’y a ne dent ne langue mise :
Tant seulement la leche par dehors,
Sans que viande entrer puisse en son corps ;
Il la void bien et meurt de faim auprés,
Et la Cigoigne en prend à sa plaisance.
Ung deceveur doit noter bien exprés
Qu'il est en fin deceu par decevance.
Titre original : Du Regnard et de la Cigogne
