La Grenouille et la Souris Eustache Deschamps (1340 - 1406)

Ysoppe dit en son livre et raconte
Que la rayne parla a la souris
Moult doucement, et la souris lui compte
Que grant famine avoit en son pais ;
Pour ce voult une riviere
Passer a no, mais n’en scot la maniere,
Et la rayne lui respont : « Douce amie,
Je vous lieray a mon pié par derriere. »
Qui legier croit, certes c'est grant folie.

La rayne lors, qui ne pensa qu’a honte,
La souriette a lige de fis ;
En fleuve entra, la se plunge et affonde
Pour la noier ; mais uns escoufles vis
Les happa:la fut leur biere ;
Barat toudis les barateurs conchie,
Ces deux destruit faintis en douce chiere :
Qui legier croit, certes c’est grant folie.

Adire voir, ainsi est il au monde
Ou pluseurs sont de bouche bons amis,
Qui promettent l'un l'autre passer l’onde,
Mais leurs cuers sont tresmortelz ennemis ;
L’un tire avant, |’autre arriere ;
L’un cuide entrer, l'autre lui fait barriere ;
Puis vient sur eulx qui toudis les chastie.
Advise ci chascuns a ma priere :
Qui legier croit, certes c’est grant folie.

Prince, quant cuers ne s’acordent aux dis
Estre ne puet nulz plus mortelz perils ;
Mainte cité en a esté perie,
Mais Roys destruis, mains royaumes peris.
Bon fait ouvrer par sens et par advis :
Qui legier croit, certes c'est grant folie.