Le Renard et le Corbeau Eustache Deschamps (1340 - 1406)

Renart jadis que grant faim destraignoit
Pour proie avoir chagoit par le boscage,
Tant qu’en tracent dessur un arbre voit
Un grant corbaut qui tenoit un frommage.
Lors dist Renars par doulz humble langaige :
« Beaus Thiesselin, c’est chose clere et voire
Que mieulx chantes qu’oisel du bois ramage. »
On se degoit par legierement croire.

Car li corbauls le barat n’appercoit,
Mais voult chanter ; po fist de vassellage,
Tant qu’en chantant sa proye jus cheoit ;
Renart la prist et mist a son usaige ;
Lors appergut le corbaut son dommaige,
Sanz recouvrer perdit par vaine gloire ;
Ace mirer se doivent foul et saige :
On se degoit par legierement croire.

Pluseurs gens sont en ce monde orendroit
Qui parlent bel pour querir adventaige ;
Mais cil est foulz qui son fait ne congnoit,
Et qui ne faint a telz gens son couraige ;
Gay contre gay doivent estre en usaige ;
Souviengne vous de la corneille noire
De qui Renars conquist le pasturage :
On se degoit par legierement croire.