Le Lion et les Fourmis Eustache Deschamps (1340 - 1406)

Dormi long temps ont en leur frommiere
Sanz eulz mouvoir li froumi remuant
Pour le lyon qui dessus la pouldricre
Sanz eulx grever aloit seignourian
Or a le lyon voulu
Que les fourmiz lui payassent treu,
Dont ilz se sont contre lui revelé
De leur recept sont bien cent mille yssu :
Il estoit mon s'il ne s'en fust alé.

Puis s'est retrait en clos d'une riviere,
Ou le secours de ses amis attent,
Car les froumiz ont levé leur banniere,
Fors abatuz et tué de sa gent ;
S'il n'est briefment secouru,
A ce qu'ilz ont en pluseurs lieux couru.
Estre pourra destruit et desolé
Mais au besoing se doit monstrer vertu :
Il estoit mort s'il ne s'en fust alé.

Pour ce ne doit nulz avoir gram maniere
Ne forcuider que il soit trop puissant :
Ses amis doit aidier a lie chiere
Pour estre aidié quant il est indigent.
Car on a souvent vcu
Que le petit a bien au gram neu
Par leur orgueil sont maint homme affolé :
Par k lyon est assez parceu :
Il estoit mort s'il ne s'en fust alé.