Le Lion, le Renard et l'Ours Eustache Deschamps (1340 - 1406)

Renars estoit jadis en sa tesniere ;
Assiegiez futdu noble lion
D’un seul costé, mais Renars, par derriere,
Fist a son ost mainte derrision ;
Mainte pierre lui langa de canon
Et maint carrel lui langa d’arbalestre.
L’ost fist petit qui estoit grant foison :
L’exploit n'est pas a grant quantité estre.

Car Bruns li ours a tout sa grant banniere,
Tybert le chat et Grimbert le tesson,
Et Ysangrin qui sist sur la bruiere,
Ne firent rien fors veoir le dongon ;
Trait n’orent il ne engin qui fust bon
N’abillement pour assaillir cel estre,
Et Renars fist toudis sa garnison ;
L’exploit n'est pas a grant quantité estre.

Grant temps sont la veansa la barriere,
Cuidans veoir des fossez la fagon :
Mais en veant leur vint de la carriere
De Maupertuis maint trait dur et felon.
La fut navré BriquemeretMoron,
Et maint bestail qui depuis ne pot pestre
Mort et occis ; et en conclusion,
L’exploit n'est pas a grant quantité estre.

Le siege estant, vint une pluie fiere,
Qui lost moilla entour et environ ;
Si firent lors les aucuns mate chiere.
L’un a l'autre disoient ; Que fait on ?
— Je ne le scay, dit le sanglier Jefon,
Neje ne sgay dont tel conseil puet nestre,
De venir ci tant bestail de renon :
L’exploit n'est pas a grant quantité estre.

Le singe dist : Nul n’enquiert la maniere
De faire assault a loup n’a herigon;
Ceuls qui scevent se traient pour ce arriere,
Jene croybien que pour ce traction;
Maisje lo bien que nous nous pourveon
Pour assaillir : car Renars est le mestre
A decepvoir. Pour Dieu, or y penson ;
L’exploit n'est pas a grant quantité estre.

Prince, qui siet devant fort ou maison
Exploictier doit en temps et en saison
Pour assaillir, et son siege repestre,
Et que d’engins ait bonne garnison :
A pou de gensara lors sa raison ;
L’exploit n'est pas en grant quantité estre.