Lou Ra de vilo e lou Ra daus chans François Richard (1730 - 1814)

Fa boun frico dî lou danjer,
Qu'ei rendre so joïo bien courto
Vau mier sei pau, dî soun foujer,
Ne mâ viaure de grosso tourto.
Quan un minjo, e qu'un n'àuso pâ
Remudâ lous pes mài lo lingo,
Dau meliour de tous lous repas
Iau ne boliorio pâ 'neipingo.

Un bèu jour un Ra de vilo
Disse au Ra camponiar :
Venei, vous trobe goliar,
Minjâ d'un pâti d'anguilo
E de quàuqueis trôs de lar.
Sur un bèu topi de tablo
Lou cuber se trobo mei.
Qualo coufreto agreablo !
Lour coeur banio de plosei.
Quàuqueis pas troublen lo feito ;
Is s'eifreden peu lou bru.
Un si brave teito-à-teito
Ei bientô interoupu.
De lo porto de lo salo
Quàucu deibro lou luque.
Lou Ra de vilo deitalo,
L'àutre plejo soun poque.
L'un coumo l'àautre se fouro
Dî l'entremias d'un lambri.
Au bou d'un piti quar d'houro,
Is remeten lour espri.
Tournan, du lou Rat de vilo,
Chabâ notreis brundilious.
- Servitour ! fau tro de bilo.
Mâ demo venei châ nous,
Reipoun-t-èu, n'oven pocinço
Dî notre piti ustàu.
Si notro châro ei pû minço,
Nous le minjen en repàu.