L'Oiseleur et le Serpent Gilles Corrozet (1510 - 1568)
Qui trompe aultry il se deçoit
Qui tasche à aultruy decevoir
Soit par fraulde ou par menterie,
On le void en fin recevoir
Le loyer de sa tromperie.
Ung Oyseleur ung jour allait
Chasser oyseaulx a la pipée ;
Il veid ung Coulom qui volloit
Dont il pensoit faire grippée.
Le Coulom sur Parbre se perche,
L'Oiselleur y va scs rethz tendre,
Qui les poinctz ct les moyens cherche
Comme il pourra le Coulom prendre.
Ainst qu'il estoit d'adventure,
En aguet, ung serpent cache
Luy feit au pied griefve poincture,
Car il ayvoit sur luy marché.
« O miserable que je suis !
(Dict l'Oyselleur) lors que je pense
Surprendre aultruy, las ! je ne puis,
Car ung aultre mefaict offense.
« J'avais a mon cas bien pourveu
Pour prendre l'Oyseau en ma rethz,
Mais fay esté a l'impourveu
Detenu et mis en arrestz. »
Homme qui veult homme tromper,
Et faict à aultruy une fosse,
On le void en fin atrapper
Et tumber en ruyne grosse.
Titre original : De l'Oiseleur et du Serpent
