Le Meunier et le Charbonnier Gilles Corrozet (1510 - 1568)
Hanter gens de bien
Les meschans et les vagabons
Gastent cestuy-là qui les hante,
Mais qui converse avec les bons
Ne peult mener vie meschante.
Ung Charbonnier maintes fois invita
Quelque Foulon pour demourer ensemble ;
Mais le Foulon par response evita
Ung tel logis qui propre ne luy semble :
« Car (disait-il) ton mestier ne ressemble
En rien au mien, on le void par effect,
Et aurais peur que ce que j'aurais faict
Beau, nect et blanc, aprés l'avoir mouillé
Par ton charbon qui la blancheur deffatct,
Ne fust bien tost tout gasté ct souillé. »
Les gens de bien nous devons honorer
Et les hanter en tout temps et saison ;
Avec meschantz ne devons demourer,
Car deshonneur habite en leur maison.
Fuyons donc ceulx qui n'usent de raison,
Leur compaignie est pire que la peste ;
Suyvez des bons la compaignie honneste,
Vostre vertu tousjours sesclaircira ;
Sy vous suyvez personne deshonneste,
Vostre renom tant plus s'obscurcira.
Titre original : Du Foulon et du Charbonnier
