A grand peine scaurait-on faire
D'ung Chahuan ung Esprevier,
Et qui se pense contrefaire
Ne peult à son blasme obvier.
Ung jouvenceau, trop fol et mal apris,
Fut de Vamour dune Chate surpris
Qu'il nourrissoit, voire sy ardemment
Qu'il supplia affectueusement
Venus affin quelle muast icelle
Chate amoureuse en tresbelle pucelle.
Venus, voulant plaire au vouloir infame
Du jouvenceau, lors transmua en femme
La beste mue, et la feit acomplie
Au faict d'aymer, et de beaulté remplie.
Le jeune amant adonc se resjouyst,
Et de la dame et son aise jouyst ;
Mats il advint que, pour scayvoir si elle
Estoit de meurs femme bien naturelle,
Venus laissa passer une Souris
Par devant elle. O quwil y eut de ris !
Icelle femme, aussy tost quelle veid
Ceste Souris, elle la poursuyyit
En oubliant sa beaulté corporelle,
Et ensuyvant sa vertu naturelle.
Doncques Venus, de cela despitée,
Sa forme humaine alors luy a ostée.
Ainst aulcuns, qui font mutation
De leur estat, sont en complexion
Sy depravez que de tout bien s'estrangent,
Et leur malice en bonté point ne changent. Fable 47
Titre original : De la Chatte muée en femme