Le Coq et le diamant

Guillaume Haudent (? - 1558)

Ainsi qu’un coq estoit cherchant pasture
En un fumier, il trouva d’avanture
Un dyamant,fort riche & precieux
Dedans ce lieu immunde & vicieux,
Auquel il dict, ô dyamant exquis
De maintes gents es grandement requis,
Mais quand a moy es de petite estime
Car en effect ie cheris & estime
Un grain de blé trop plus que ne fais toy
Pour & aultant qu’iceluy ejl de toy
Pour mon user, & ie ne puis en rien
Avoir de toy usage ou aulcun bien.

La morale

Ceste fable nous fait certains
Que plusieurs contemnent science
Comme ignorantz & incertains
De son utile expérience.