Le Chêne et le Roseau

Guillaume Haudent (? - 1558)

Un Chesne dur, puissant, robustre et fort.
Contre un Roseau foyble et débile et tendre.
Pour démonstrer sa puissance et effort,
Jadis voulut quereller et contendre,
En soutenant qu’il n’oser oit prétendre
Se comparer à luy quantan puissance :
Car, s’il le fa i et, luy offre sans attendre
Livrer assault et lui porter nuysance.
Quand le Roseau eust ouy les contends
Et les propos de ce Chesne orgueilleux,
Il luy a dict ; « On pourra voir en temps
Lequel sera le plus fort de nous deux. »
Or cependant qu’ils devisoient entre eulx
De leur pouvoir, voicy venir un erre
De vent de bise, aspre et impétueux,
Qui faict tomber le Chesne sur la terre
Quand il se veist en ce poinct abatu
Et le Roseau estre debout encoire,
Il demanda par quel’ force et vertu
Il avoit peu obtenir la victoire.
Il luy a diet pour raison péremptoire
Que ce a esté pour avoir obey
A cestuy vent, car luy estoit notoire
Qu’il fust rompu, s’il eust desobey.