Du Leu et de la Grue Ysopet I (Moyen Âge)

Un leu qui fu de male part,
Glout et enfruns et de mal art,
S’enossa par mésaventure
De l’os d’une chievre moult dure.
Quant enossé fu, si requist
Les bestes sauvages et dist,
Cil qui l’os oster li pourra,
Grant guerredon li en fera.
Les bestes parlèrent ensemble :
Par foy, dit renaî t, il me semble
Que la grue bien le gueriroit,
Se entremettre s’en voloit.
Le leu la commence a prier
Qu’elle se hast de li aidier,
Et quanqu’elle demandera,
Par sa foy, il li payera
La grue si crut a sa parole :
Sa teste et son col, corne foie,
En la gueule au leu a lanciée,
Hors en trait l’os : si s’est dreciée,
Et dit au leu que il li doit
Grant loier et que il li poit.
Dist le leu : molt te dois prisier,
Que de la gueule a l’adversier
Es issue sans mal avoir :
Autre loier n’en pues avoir.

Qui a tel sert, il doit aprendre
Quel guerredon il doit atendre ;
Mais douter se doit de domage
Et s’en garder, se il est sage.

Fable I

Notes

Enfruns : audacieux, avare, gourmand
Qu’elle se hast : qu’elle se
liâte
Quanqu'elle : tout ce qu’elle
Poit : paye
Adversier : ennemi, adversaire
Es issue : es sortie.