De la bataille des Loups contre les Brebis Ysopet I (Moyen Âge)

Les brebis pour leur niceté
Orent jà pris et accepté
Contre les loups, jour de bataille.
Les moutons se lièrent sans faille
En leurs chiens et en leur bergier;
De tout ce se cuident tarsier.
D
La bataille fut âpre et dure,
Et longuement a tel point dure
C’on ne scet lequel vaincre doie;
Mais au derrenier s’affoibloie
La partie aus loups : si s’écrient :
A parler de pais leur convient.
Si ont fait pais et aliance,
Et de çà, de là, par fiance;
Mais veuillent tout li loups jurer
La treve qui ne puisse durer,
Et, pour ce que pais miex se gart,
Ont donné de chascune part,
Pour garderies sermens, otages.
Les brebis qui ne sont pas sages,
Leurs chiens en otages donnèrent :
Plus folement encore ouvrèrent
Quant les enfans aus loups receurent
En otages, dont se deceurent :
Car si com nature le vost,
Li louveau prindrent asses tost
A huiler, si que les loups vindrent
Qui les treves pour routes tindrent.
Les brebis que sans chiens trouvèrent,
Estranglerent et devorerent.

Bien se doit chascun prendre garde,
Que ce qui le defend et garde,
Ne laist : Quar quant la garde fault, 3
Il treuve moût tost qui l’assault.
L’en doit bien garder son tuteur,
Son ami et son adjuteur :
Et ce qui est de grant profit
Ne mette-t-on pas en oublit.
De ce qu’en vostre sein tenés
Si très bien garder vous penés, 4
Que vous ne lessiés aus pies cheoir
Pour vostre dommage véoir