De la bataille des Besles et des Oisiaux Ysopet I (Moyen Âge)

Les bestes anciennement
Emprindrent un tournoiement
Contre tous les oisiaux qui sont,
Et qui pour voler plumes ont.
Grant et fiere fust la bataille;
Longuement dure ains qu’elle faille :
Nuis n’en puet eneores scavoire
Le quieux doit avoir la vittoire.
Madame la chauve-souris,
Qui se doubta que li péris
Vers les oisiaux déust tourner,
Ne voult od eulz plus séjourner;
Ains se tourna de l’autre part,
Et dist que des oisiaux se part,
Pour ce que semble moult bien beste
De piez, de groin et de teste:
Si vient aidier ses anemis ;
Mais li aigle grant force a mis
A conforter et ralier
Sa gent et en elles aidier :
Si leur mist si bon cuer es ventre
Pour ce que ès batailles entre,
Si très fierement se combatent,
Que l’orgueil des bestes abatent.
Tant i maillent et tant y fièrent
Que par force tous les conquièrent;
Ne se peuvent contre-tenir
Les bestes, tant sachent venir.
Leur plaisir en font à leur guise.
La chauve-souris y fu prise :
De ses plume la desvestirent,
Et tant fusterent et tant bâtirent
Pource que d’eulx s’en fu aie,
Que demeura noire et pelée :
Et la dampna toute la cours
Que jamais ne vola de jour.

Fox est qui pour ses ennemis
Laist ses voisins et ses amis ;
Et se dit-on que uns homs seulz
Ne puet bas bien servir a deux.
Cils qui a soy savoir acroche
Regarde de quel pié on cloche.
Si aves les fraudes bâties,
Ne clochies pas des ij. parties.
Li ansien dient communément
Qu’ain ne puet servir doublement :
Il convient l’un des ij. amer :
Riens ne puet l’autre reclamer.

Fable XLV

Notes

Emprindrent : entreprirent
Ains qu’elle faille : avant de se terminer
Od : avec
Se part : se sépare
Maillent : frappent comme avec des maillets
Fusterent : frappèrent avec des fusts, des bastons, de fustis
Dampna : condamner, de damnare