Des Leus, des Berbis et des Chiens Ysopet II (Moyen Âge)

Les leus furent en une lande,
Souffreteus forment de viande :
Si tracent tant qu’il ont véu
Une bergerie moult grande ;
Or a chascun ce qu’il demande.
De courre a euls sont esméu.

Les chiens qui les brebis gardoient,
Si virent que les leus voloient
Menger et tuer les brebis :
Du grant mal talent qu’il avoient
Les chiens contre les leus chaploient
Tant que les leus s’en sont fouis.

Or oës que les leus feront :
Par traïson se vengeront
Des chiens qu’ils ne pevent amer :
Et puis les brebis mangeront,
Si que jà une n’en lairont,
Portant qu’il la puisse trouver.

Dont ont les leus fait assavoir
Ans brebis, s’il veulent avoir
Pais a eux a toute la vie :
Les chiens leur feront avoir
Que faire en puissent leur voloir :
Car vers culs ont grant félonie.

Les brebis s’esjouissent mont
De la requeste que il ont :
Les chiens leur ont abandonnés.
Puis les monstrent là où il sont,
Qui se dormoient tous en un mont :
Erraument furent devourés.

Or pevent prendre les brebis :
Car jà ne seront contredis :
Mors sont leurs chiens et leurs gaignons.
Tous ceux sont fols et maubaillis,
Qui baillent a leurs ennemis
Leurs espées ne leurs bastons.

Vos poez bien cest exemplaire
Oiant, sages et fos rctraire.
Celi est folz qui sa deffense
Abandonne a son adversaire.
Bien en pourra a mal chief traire :
Qui mestier en a, si y pense.

Fable V

Notes

Souffreteus forment : fort dépourvus
Tracent : parcourent les routes, les sentiers
Chaploient : combattent, de chapleis : bataille, carnage
Oës : écoutez, entendez
Mont, moult : de multum, beaucoup
Erraument : incontinent
Mau baillis : mal gouvernés, mal dirigés, mal donnés