Comment la Grue garist le Loup Ysopet I (Moyen Âge)

Li loups menga trop gloutèment,
Si fust malades durement :
Car en la gorge li arreste
Un os qui li tist grant moleste.
Si envoia par toute terre
Phisiciens et mires querre.
De Monpelier estoit venue
Madame Hauteve la grue
Qui de phisique avoit licence.
Si fist certaine convenance,
Combien au loup devoit couster,
Se cel os lui povoit ester ;
Et li loups li promet et jure
Li bien paier de celle cure;
Mais de tant fust-elle peu sage
Qu’elle n’en prist un peu de gage.
Au loup a fait ouvrir la bouche :
Son bec boute ans si qu’elle touche
A l’os, si que a lui le tire.
Le loup n’a plus mestier de mire.
Celle veult avoir sa promesse :
Le loup li dist : Folle mestresse,
Gardés de quoy vous mespi'enés :
N’esse par moy que vous vives ?
Ne vous pui-je mordre, chetive,
Et devourer tretoute vive ?
Espargné vous ay par franchise,
Et ce pour loyer vous souffise.
Bien faire a mauvais riens ne vault;
Tost l’oublie et ne li en chault.
Qui douceur baille a ennemi,
Si le tendra-il pour venin :
Le mauvais prent tout en despit;
Pour ce n’aura autre respit.
Don que face n’a en mémoire,
Ne quiert que vanité et gloire.

Fable XIX

Notes

Physiciens et mires : médecins
Ans ou ens : dans, dedans, en
N’a plus mestier de mire : n’a plus besoin de médecin
Chault, de chaloir : avoir soin.