Comment un Cheval qui haoit un Cerf pria a un Veneur qu'il meist le Cerf a mort Ysopet II (Moyen Âge)

Un fort cheval heoit
Un cerf qui li avoit
Trop malement meffet.
Asaudre ne l’osoit :
Car ses cornes doutoit
Que poignantes avoit.

Un vénéeur requist
Que aide li féist
Du cerf mettre a mort :
Et il le servirait
Tous les jours qu’il vivrait ;
Car moult se sentoit fort.

Le venéeur l’a pris
Qui tantost li a mis
Et le frein et la selle :
Bien estroit le sangla,
Uns espérons chauça
Qui eurent grant rouelle.

Sus le cheval sailli
Et le cerf assailli
Qui moult etoit courant :
Et par nions et par vaus,
Et par plains et par gaus,
L’ala forment chaçant.

Le cerf rien ne portait
Qui moult iegier estoit :
Por noiant le chaçoient :
Jamais ne le préissent
Pour course que il féissent :
Grant folie il faisoient.

Le cheval ert saillant
Et travaille formant :
Ce n’ert mie merveille :
Grans cops le va ferant
Et desriere et devant,
Et trop mal l’apareille.

Le venéeur félons
Le fiert des espérons
Si que le sanc en saut.
Mais le cheval avant
Ne puet ne tant ne quant :
Car le cuer si li faut.

Il a Tomme requis
Qui sus lui est assis,
Qu’il se sueffre aitant,
Et qu’il le lait aller
Par les chans pasturer
Comme il faisoit devant.

Aler ne te lairai,
Dist li homs, par ma fov ;
Car a moi t’es sousmis ;
Mais tant corne vivras
Tous dis me serviras
De gré ou a enuis.

Le cerf n’ot onques mal ;
Mais mort fu le cheval
Par sa grant félonie :
Qui tuer le cuidoit
Pource que il avoit
Le veneur en aie.

Par qui fut de rompu
Et mort et confondu,
Si comme oui avés :
Par son outrecuidance
Eust-il mis a outrance
Et a la mort aies.

L’on a souvent liancc
En tel dont grant nuisance
Vient pour bien, le savés.
Por ce se fait trop mal
Qui se soumet a mal
Pour faire autrui grieté.

Il avient bien souvent
Que l’on veut grant tourment
Faire a son adversaire :
On se met a la mort ;
On a grand desconfort :
Bien l’ai ouy retraire.

Titre complet : Comment un Cheval qui haoit un Cerf pria a un Veneur qu'il meist le Cerf a mort, et li Chevaus meismes i fu mis

Fable XXV

Notes

Héoit : haïssoit
Asaudre : assaillir, attaquer
Doutoit : redoutait, craignoit
Rouelle : molette d’éperon, de rotula, petite roue
Caus : forêts, pluriel de gaud, de l’allemand wald
Tous dis : toujours
Grieté : tourment, fâcherie, pesanteur.