Comment I fol Serpent runge une Lime d'acier Ysopet I (Moyen Âge)

Une lime d'acier
Qu'est chez un serrurier
Trouva un fol serpent :
Il la cuida mengier :
Si la prist a rungier
Trop angoiseusement.

Les dents sont depeciées
Et rompues et brisiées
Et il furent sanglant.
La lime s'est moquie
De quoi c'est grant folie
Et li a dit brièvement.

Fol serpent malostru,
Porquoi me ronges-tu ?
Donc ne suis-je d'acier ?
Je menjue le fer
Qui est dur comme enfer,
Et tu me veus mengier

Masche hardiement
Et estrains bien ta dent :
Jà ne m'en sentirai.
Tu t'es mis sanglant,
Courroucié et dolant,
Et je m'en mocquerai.

Eolie est d'estriver
Ne de guère mener
A plus poissant de li.
Qui s'en pourrait garder
Sens seroit destriver
La riote et le plai.