D’un Serpent qui rungoit au dens une Lime Ysopet I (Moyen Âge)

TJne beste que fain chassoit
De viande se pourchassoit,
En la maison d'un fevre entra :
Cils pour mengier rien n'encontra
Qui li vaulsist une vessie :
Es dens se prent a une sie,
La commence fort a rungier.
Qu'esse, me vuelz tu don rungier ?
Dist la lime, es tu hors du san ?
Je ne te doubte, ne ne te san :
Quar je sui si fort et si dure
Que nuis fers vers a moy 11e dure ;
Ta dent de riens ne me puet nuire,
Meis je puis les tienez détruire :
Bien say, tu ne me cognois mie,
Es dent le fer use et esmie,
Et fait farine devenir :
Riens ne me puet contre-tenir,
Pierre, bois, ne fer, ne acier,
Je puis tout rompre et tout percier :
Garde dont a quoy tu t'esmues ;
Car tu domagier ne me pues.
Ainsi se remort et reprent
De sa folie le serpent.

Li fors li plus fort traingue et aine
Et qui plus fort est, ades vainc :
Le plus foible doit obéir
Au plus fort et le conjoïr.
A tous seigneurs, toutes honneurs :
Les grans redouttent les meneurs.
Il ne fait pas bon courroucier
Plus grant de lui, ne agoucier ;
Mes doit l'en honnorer le prince,
Soit qu'il oingne ou que il pince.

Je vueil une soutiveté,
Cy recounter en vérité,
Qu'avint a Paris en tour prime :
Sceu fut un fait par une lime.

Bon compaignon de Picardie
Là menoient trop bonne vie ;
Quant leur fu faillie pecunc
Et chevance n'eurent ocune,
L'un deus, dedens S. Matherin,
Se fist porter en i escrin ;
Une lime enclose y ot :
Là de l'escrin fu fait depot
Pour les autres escrins rober,
Pour eulz reveler et joer :
Quant il entra en son escrin,
La lime oblie, et le matin
L'en rapportent si compaignon :
Or tost, fait-il, or nous baignon
Et joons en belles estuves,
En biaus lis et en belles cuves.
Li frère ne furent pas nice :
Tantost corans a la justice
Tout droit vont a l'oficial,
Et li vont conter tout le mal,
Et li fu la lime baillie.
Li official lors estudie
Comment puisse ce fait savoir
Et le depost emblé ravoir :
Lors apella un garçonnet :
Va t'en, dit-il, enfantsonnet,
Foi que tu dois a St. Fraubert,
Tout droit a la place Maubert,
Et di : Geste lime vueil vendre :
Or en puet-on bon marchié prendre.
Plus de trois sol de Parisis
N'en vouloit prendre li petis :
Car il li estoit défendu ;
Si ne fu l'instrumens vendu.
Cils qui la fist, moult la blasma,
Et mauvais garçon le clama.
Et li dit : Très mauvais souflet
. uit que manuises de mouflet
Façonnée l'ai, par St. Guéris,
Pour ii soulz de bon parisis.
Veust-tu regaignier a revendre ?
L'cnfançon ne vuelt plus atendre,
Tous raconta au vallant homme.
Et ceci fust une grant somme
Rendue de ce qui est emblé :
Car sergent furent asemblé,
Prindrent le fevre en sa maison.
Sires, fait-il, faites raison :
Les escoliers vous monstreré,
Si delivres estre devré,
Qui nia lime ont. achetée :
S'en faites ce qui vous agrée.
Le fait fust cognu pour notoire :
Li official en ot grant gloire.

Fable XLVIII

Notes :

Fevre : serrurier, de faber
San : sens
Ades : toujours
Agnucier : peut-être agacer, exciter
Fober : dérober
Escrin : étui, coffre
Nice : niais, simple