De la Souris qui fist trembler une Montagne Ysopet II (Moyen Âge)

Un chastel grant et bel
Fu fondé de nouvel
En une grant valée.
Lez une grant montaigne
Haulte et noire et grifaigne
Dont souvent naist fumée.

Ceuls du chastel oyrent,
Dont fortment s'esbahyrent,
La montaigne uller,
Et liault crier et braire,
Aussi com fust tonnaire,
Et trestoute croller.

De grant paour tremblèrent
Car l'eure ne gardèrent
Que le mont craventast,
Sur eulx et sur la ville
Où de gent eut bien mille
Dont jà un n'eschappast.

Quant ce temps fu passé,
Si se sont apensé
Que euls véoir yront
Qu'a donc en la montaigne
De coi chacun se saigne
Et que tout cercheront.

Un moquéeur si vit
Une souris ; si dit :
Bien scai que c'a esté,
La montaigne estoit prains ; '
Si a geté grant plains
Et puis a enfanté.

Une basse souris
En queurt par ce larris
Bien la poez véoir
Por petit d'achoison
A moult grande tençon :
Bien doit s'appercevoir.

Chascun commence a rire,
Et affermer et dire
Qu'onques mais tel paor
N'orent jour qu'il vésqrfissent
Pour chose qu'ils véissent
Ne par iruit, ne par jor.

Tel menace moût fort
De méhaigne ou de mort
Qui petit puent faire ;
Qui bien les cognoistroit,
Leurs mos ne crainderoit
Une pourrie poire.

Fable XXXIV

Notes :

Grifaigne ou grifaine : sauvage, farouche
Croller, secouer, se secouer, s’émouvoir
Craventast : écrasât, brisât
Prains : enceinte, de praegnans