Comment il Criquet demanda au Formi de son blé et il li refusa Ysopet II (Moyen Âge)

Li criquet ot disete
En yver et povrete :
Au fourmi est venu ;
En plorant li requist
Que bonté li feist
D’un peu de blé menu.

Et qu’il morroit de fain :
Jà ne vivroit demain
Se il n’avait aye. 3
Ahy ! sire criquet,
Se malement vous vet,
C’est par vostre folie.

Quant je me pourchaçoie
Du blé et garnissoie,
De quoi servoies-tu ?
Il respont : Je chantaie
Et grantjoyemenoye ;
Mais or suis abatu.

Sire, emprés le chanter,
Dèussiez bien baler,
Le frémi li a dit :
Jà ne vous aiderai,
Ne bien ne vous ferai,
Certes, tant soit petit.

Gueres ne m’ameroit
Cil qui me loueroit
Que le mien vous donnasse,
Et que quant j’auraie fain,
Ou a nuit ou demain
Au bois querre en allasse ?

On doit en sa jonece,
Gaaigner la richesse
Dont l’on vive en avant :
Et cil qui ne le fait,
Pouvre et chétif s’en vait :
Droit est par Sainct Amant.

Fable XXVIII

Notes

Criquet : Grjllus, espèce de sauterelle
Requist : demande
Aye : aide, secours de anxilium
Pourchacoie : pourchasser; chercher, aller à la quête de telle ou telle chose
Buler : danser
Cil : celui
Querre ou quérir :chercher, demander, de quoerere