Comment un Cheval feri un Lyon du pied desrieres, si qu’il l’a afronté Ysopet II (Moyen Âge)

Un cheval si estait
En un pré où paissoit :
A li vint un lion
Et li clist qu'il estoit
Bon mire et qu'il savait
De tous maus guérison.

Sire, dit le cheval,
Longtemps a que j'ai mal
En un des pies derrière ;
Se me poés guérir,
Bien vous le puis merir
En aucune maniéré.

Frere, dit le lion,
Couche-toi : si verron
Le mal apertement.
Je ne me puis coucher,
Respont le destrier,
Si en sui moult dolent.

Souffrez, dit le lion,
Quanques nous vous feron
Et ne regimbez mie.
Le cheval bien savait
Que le lion pensoit
A li tolir la vie.

Bessiez vous, sire mire,
Dist le cheval, desrire,
Et si verrez le mal.
Bien vit que li lion
Le voult prendre au talon ;
Or oiez du cheval.

De ses deux pies derrière
A si frapé le miere
Que il l'a afronté.
Mire, dit le cheval,
Je cuit que de ce mal
N'aurez jamais santé.

Fols estoit le lion
Quant volt par traison
Devorer le cheval :
Car il, se bien voussist,
Tex quatorze en vainquist
Et leur rendist estal.

Qui veult par traison
Ouvrer, bien est raison
Que il en ait hontage,
S'il se peut autrement
Délivrer de tourment,
De mal et de dommage.

Fable XXIII

Notes

Mire : médecin
Merir : contenter, satisfaire, remercier
Tolir : ôter, deferre, tulL
Desrire : derrière (licence commune à cette époque)
Tex, tels. Il eu auroit vaincu quatorze semblables
Estai : lieu, place