Du Renard et du Corbel Ysopet I (Moyen Âge)

Sire Thiercelin le corbiau,
Qui cuide estre avenant et biau,
Tenoit en son bec un froumage.
Renart qui a fait maint dommage,
Chantant, parmi les bois couroit
Com cil qui de grand fain mouroit :
Le fourmage le vit tenir:
Bien scct qu’il n’i peut avenir
Se n’est par art ou par engin.
Ha ! dit renart, biau Tiercclin,
Qui si estes enparentés,
Doumage iert que ne chantés
Aussi bien com fist vostre père :
Se ainsi chantiez, par saint père,
Je cuid’ qu’en tout le bois n’éust
Oisel qui tant a tous pléust.
Le corbiau qui pas n’aparsoit
Que renart l’enguine et desoit,
Et qui par son chant plaire cuide,
En chanter mest si grand estuide,
Que son froumage lui cliay :
Renart ne fist pas l’esbay,
Qui lors son chant bien pou prisa :
Le fourmage tantost pris a,
Et le manja trestout renart ;
Onques Tiercclin n’i ot part.
Moult en l’ust dolent le corbiau,
Et de honte li croist son diau.

Qui vainc gloire croist et chasce,
Sa perte et sa honte pourchasce :
Fausse honneur, se povés entendre,
Maint grant anui souvent engendre ;
Les fos qui quierrent vaine gloire
Si vuellent assez honte boire.
Gloire les met hors de leur san :
Plus sage tien dame Hersan
Qui vint sa coloigne filer :
Pour ce ne la doi aviler.
Qui vuet estre trop apperant
De saintisse n’aura garant.

Fable XV

Notes

1 Cuide : croit
2 Engin : ruse
3 Iert : était, serait ou sera, de erat ou de erit
4 Désoit pour déçoit : de décevoir, tromper
5 Chay : tomba, chéoir, de cadere
6 Croist son diau : son dommage augmente : crescit damnum
7 San : sens de sensus
8 Coloigne ou queloigne : quenouille.