Comment le Loup volt décevoir le Chevreau Ysopet II (Moyen Âge)

Unes chievres estoit
Qui un faon avait
Qu'elle aimait trop forment :
Aus champs ne V laisse aler
Gibber ne pasturer,
Pour le froit qu'ele sent.

Ains l'alaite en Testable,
Et le paist et li baille
Ce dont il a mestier :
Et s'en va paistre aux champs,
Tant qu'elle a plains ses flans :
Puis s'en revient arrier.

Moult souvent le chastie
Pour cju'il ne croie mie
Le leu, se vient a l'huis ;
Mais bien fermé se tiengne,
Qu'il ne l'eu mesaviengne,
Et gart par un pertuis.

Le leu si vint a Tus :
Or sus, dist-il, or sus,
Oeuvre l'huis a ta mère :
Je t'aporte a mengier
Trop miex que ne fis yer :
Miex te fai que ton perc.

Quant le chevrel l'oy,
Durement s'esjoy
Por avoir a mengier ;
Car avis li estoit,
De la faim qu'il avait,
Que il deust enragier.

A l'uis s'en est venu,
Fermé l'a et tenu :
Car sa mère li dist.
Il vit par un pertuis
Le leu qui fiert a l'huis,
Si s'en moqua et rist.

Là dehors vous tenez :
Jà céens n'entrerez,
Foy que je dois mon père.
Se vous y entriez,
Vous me mengeriez,
Si comme dit ma mère.

Et croire et honorer,
Et servir et amer
De cueur entièrement,
Doist chascuns père et mère :
A bon droit le compère
Qui le fait autrement.

Fable XI

Notes

Gibber : se débattre des pieds, s’ébattre aux champs
Chastie : instruit, repreud
L’us : pour l’huis, la porte
Fiert : frappe
Compere : paye