De la Chièvre et du Loup Ysopet I (Moyen Âge)

La chièvre va quérir viande
Pour son chevrel, et li commande
Et l'admoneste que du toit
Ne se meuve, d'où il estait :
Car s'il s'en part, sache de voir
Qu'il y pourra doumage avoir,
Et dont il se tiendra pour fos.
En l'hostel l'a laissié enclos.
Comme il fust demouré sous,
Scavez-vous ? Ysangrin li loups
Hurte a l'huis, boute et appelle,
Et change sa voix et chevrelle.
Ouvre l'huis, dist-il, à ta mère.
Non feray, dist-il, par saint père,
Assés y pourrés appeler :
Bien vous connois au chevreller ;
Tant le sachiez vous contrefaire,
N'entrerés jà en mon repaire :
Et si voi bien par un pertuis
Que j'ai ci trouvé en cest huis.
Que vous estes ung loup pour voir,
Qui me voulés ci décevoir.
Ailleurs vous estuet quérir proie.
Ainssi le chervel l'en envoyé.

Pour ce, vous dis qu'en l'enfant vient
Grant preu, quant il voit et retient
La bonne doctrine du père :
Et qui non fait, il le compère :
Les enseignemens ne trespasse,
Ne des grans ne mest en espasse,
De père et mère la doctrine :
En ton cœur les garder ne fine :
En ceci croy les anciens
Se veuls estre victoriens
Con les anciens croist jonesse :
Mauvaistié en cœur ne les blesse.

Fable XXIX

Quérir viande : chercher la pâture, ce qui sert à la vie
Chevrelle, chevreller : imiter la voix d’une chèvre
Par saint pere : par saint Pierre.
Pertuis : trou, ouverture
Pour voir : vraiment, pour le vrai.
Grant preu : grand profit.
Compere : paye
Nefine : ne cesse