Des iiij Toriaux que le Lion deceut pour ce qui les fist dessembler Ysopet Avionnet (Moyen Âge)

Quatre biaus toriaux estoient
Qui si grant foi s'entre-portoient
Que l'un ne vouloit sans l'autre estre,
Ne aler, 11e venir ne pestre :
Quant par foy furent adjousté,
En furent assez plus doubté.
Li lions mesnies les doubtoit,
Qui plus de un d'eus fors estoit.
Si commence a estudier
Comment les pourra conchier,
Que trop voulentiers s'en péust,
Don queque soit, se il péust.
Un jour les trouva, ce me semble,
Qui pour péeur d'eus trestout tremble :
Si leur dit : Seigneur, Dié vous gart.
Aves vous péeur de regart
Qui si vous estes assemblés ;
Peureuse gent. vous me semblés :
Et si estes et grant et fort.

Ne sai beste de vostre effort,
Ours, lion, cheval ne liepart,
Loup ou bien gourpil d'une part,
Et l'un de vous, de l'autre, sous, 4
Qu'il ne se deffendi de tous ;
Mes vous estes de cuer failli.
Cuidies vous dont estre assailli,
Par moy tout seid, qui estes quatre ?
Je ne me oseroie embattre
A l'un de vous poqr estre mors : 5
Quar je redoubte trop vos corps :
Si n'ai, se Dieu me doint santé,
De vous mal faire volenté.
Je vous assegur bonnement : 6
Alés partout hardiement ;
Mais tant com vous irés ensemble,
Seres vous couart, ce me semble,
Enseur que qui tout soûls seroit 7
Meillieur pasture trouveroit.
Qui n'est seulz, ce vous di-je bien,
Ce qui treuve n'est mie sien :
Car li autre i doivent partir.
Tant leur a dit que départir
A fait les ensans des genices,
Dont par tans se tendront pour niccs.
Quant se furent entre-lessié,
Le lion court tout eslessié, 8
Comme familieus et jeun :
Si les occist tous un et un.
Ainsi se treuvent decéu,
Pour ce que trop tost ont créu
Ccli qui honnir les vouloit,
Et par paroles les trompoit.

Se dit l'un : Qui en pais veut vivre,
Nostre mort exemple li livre :
Trop de legier ne creie mie,
Et ne laisse sa compaignie :
L'en ne doit mie tousjours croire
Belle parole, qui n'est voire.

Fable X

Notes

Adjouté : réuni
Doubté : redouté
S’enpéeust : s’en seroit nourri
Sous : seul
Mors : tué
Assegur : assure
Enseur : en outre, de plus
Eslessié ou eslaissié : s’élançant avec joie