Comment li Asnes voult tolir au Chien son mestier Ysopet II (Moyen Âge)

Uns homs fu qui un asne avoit
Qui sa besogne li faisoit,
Et qui estoit batus souvent,
Ne autre loier n’en avoit,
Fors les chardons que il menjoit ,
Dont il avoit escharsement.

Un jour se gisoit a Testable,
Et n’ot estrain , chardon, ne paille :
Son maistre esgarda qui menjoit
Le pain net; et la char qu’il taille,
U tent a son chien et li baille,
Quant en l’espaule le feroit.

Il s’apensa que il n’avoit,
Fors tourment, de ce qu’il faisoit :
Et le chien ert si aise
Pour la joie que il menoit,
Et pour l’amour que il monstroil
A son maistre et a sa maistresse.

Il pensa que ainsi fera,
Et que a son maistre joura,
Pour savoir s’il l’en ameroit :
Des pies en contre li saudra,
Et en grant joie il le ferra
Aussi, comme le chien faisoit.

U vit qu’il n’ert de riens tenu :
A son maistre est erraut venu :
Des pies devant Ta acolé ;
Puis Ta en l’ouie féru
Du pié destre qui ferré fu :
A po qu’il ne Ta afolé.

Aus dens Ta par l’espaule pris,
Et estraint et a terre mis ;
Sur le ventre li est monté.
Et quant ce virent les amis,
Ses sergents, sa femme et ses fils,
L’Asne ont batu et tempesté.

Il cuident qu’il soit forcené :
Loié l’ont et enchaainé,
Si que il ne se pot bouger;
Si est l’Asne mal assené ;
Car batus est et mal mené,
Et si n’a que il puist menger

Celi est fol a tout escient
Qui de ce que ne li apent 1 '
S’entremet et fait prinsaultier,
Comme l’Asne qui folement.
Dont il chei en grant tourment,
Voult tolir au chien son mestier.

Fable IV

Notes

Escharsement : avec parcimonie, lésinerie
Estrain : paille, chaume, stramen
Feroit : frappoit, deferire
Ert : étoit, de erat
Saudra : sautera, de saillir
Ferra : frappera
Erraut : incontinent, d’abord
En l’ouie feru : frappé en l’oreille
Loié : lié
Apent, appartient, de appendere
Prinsaultier : faisant l’essai.