Comment la Souris sauve li Lions Ysopet II (Moyen Âge)

Un lyon se gisoit
En un bois et dormoit
Dessous un arbrissel :
Et une sorissele
Si l’assault et trepele
Et maine grant revele.

Le lyon l’engoula.
Mais pas ne l’avala,
Ains l’enclost en sa gueule.
La soris li requist
Que pas il ne l’occist
Ainsi, n’en si peu d’eure.

Ainsi que li fera,
En un temps qui vendra
Et service et bonté.
Le lyon si s’en rit
Et le prise petit
Et tient en grant vilté.

Va là où tu voudras,
Plus mal par moi n’aras,
Ce repont le lyon :
Jà ne me serviras,
Ne bonté ne feras :
Ne te prise un bouton.

Le lion si fu pris
A un seul las coulis,
Ains qu’il passast le mois,
Dont jamais n’eschappast :
Car quant plus fort tirast,
Et tant pins fust destrois.

Quant ne sot plus que faire,
En haut commence a braire.
Si l’oy la soris :
Tantost y est venue,
Au laçon est corue,
Si y a ses dens mis.

Assestost fu copé,
Et cil est eschapé
Qui estait a la mort.
Por ce poez savoir
Que grant mestier avoir,
Puet bien le foible au fort

Fable XXXIX

Notes

Sorissele : petite souris
Trepele : de treper, trépigner
Revele : étourderie
Las : lacs, de laqueum
Destrois : embarrassé
Lacon : nœud, petit lac
Mestier : besoin, nécessité.