L'Âne et le Cerf Eustache Deschamps (1340 - 1406)

Il otjadis, selon la fiction,
Guerre mortel, perilleuse et doubtable,
Qui trop dura et fist d’afliction,
Entre Bernart, l’arceprestre invocable,
Et Briquemer, le cerfnon deffensable,
Qui gasterent I’un de l'autre pais.
Pastures, bois, faons sont envahis ;
Les feux boutez ; pluseurs mors en bataille ;
Tant que chascun d’eulx en fut esbahis :
Treves ont prins entr’eulx, vaille que vaille.

Lors Briquemer, josnes d’entencion,
Non regardans la fortune versable,
Puissans de corps, court par sa region
Eten maint pare fait chose decourable,
Bestes saillir, hurter, courre, et muable
Le cours du temps ; parjour sont endormis,
Et par nuit sont aux gieux et dances mis.
A donne sont couchans sur leur couraille :
Leur corps gastent, jambes, cornes et pis :
Treves ont prins entr’eulx, vaille que vaille.

Mais de la paix n'est nulle mention,
Et si s’en vont maint cerf la mar nouable,
Hors des palus de la subjection
De Briquemer, qui est chose doubtable,
Sanz li pourvir. Et l’asne est en s’estable
Qui espargne buefs, vaches et brebis,
Ses pastures, aliez et subgis,
En deffendant que nulz hors d’iceulx n’aille
Malice y quiert l'un d’iceuls ennemis :
Treves ont prins entr’eulx, vaille que vaille.

Ors’assemblent pour la conclusion
De celle paix loups, renars entendable :
Tybers li chas, pour la possession
Dedamp Bernart ; pour Briquemer parlable
Sont les chevriaulx, ours et levriers courable,
Mais en traictant ne puelent estre amis;
Tybers li chas, qui aguette toudis,
Sent que le cerf n’a c’un po grain et paille,
Les treves ront et prant une souris :
Treves ont prins entr’eulx, vaille que vaille.

Mais ces treves sont en decepcion
Pour Briquemer: ains le terme finable
Loups et sangliers et l’asne en union
En ses forests font dam inreparable,
Car despourveu l’ont aeasa table
Et ont gasté pastures et
Qui treves a soit tousjours concatis
Desoy garnir et pour faire bataille,
Car de ces deux estoit li communs dis :
Treves ont prins entr’eulx, vaille que vaille.

Prince, avisez que ne soiez lai
En oyseuse, en gieux ne en delis,
Se paix n’avez, d’entendre ne vous chaille;
Treves ne sont fors la mort des chetis;
Garnissez vous, cilz mos soit entredis :
Treves ont prins entr’eulx, vaille que vaille.