Le Cerf Gilles Corrozet (1510 - 1568)
Folle oppinion.
Les choses qui sont a fuyr
Voluntiers nous les appetons,
Et bien souvent nous regretons
Ce qui est bon pour en jouyr.
En la claire fontaine
Un Cerf se regardoit,
Et la grandeur haultainé
Des cornes estandoit.
Ses cornes donc prisa
Pour leur force et haultesse,
Ses jambes desprisa
Pour leur seiche maigresse.
En ce fol jugement,
Le veneur vient bien viste ;
Plus que vent vehement,
Le Cerf se mect en fuitte.
Les Chiens le vont suyvant,
Mais, comme d’aventure
Le Cerf se mist avant
En la forest obscure,
Ses cornes se meslerent
Es branches de ce bois,
En ce lieu l'arresterent
Suivy de tant d@aboys.
Ses jainbes loue alors,
Et ses cornes desprise,
Qui ont faict que son corps
Soit de ces chiens la prise.
Ainsi, où nous pensons
Avoir felicité,
Par contraires façons
Trouvons adversité.
Titre original : Du Cerf qui se veid en la Fontaine
