Du Corbiau qui se para de plumes du Paon Ysopet I (Moyen Âge)

En un concile des oisiaux,
Sire Tiercelins le corbiaux
Yit que iert, entr’eux tous, sous
Li plus lais et li plus hidous.
Pensa que plumes embleroit 1
Des plus belles qu’il trouveroit.
S’en embla tant comme il convint :
Quant à l’autre concile vint,
Cils qui de l’autrui fu fardés,
Fu moût des autres regardés.
Pour les plumes que il embloit
Faussement paon ressembloit :
Les autres oisiaus desdoignoit
Et au paon se comparoit.
Le paon a bien cognéu
Son barat et aparcéu :
De ces plumes l’a desnué,
Bien batu et a pou tué.
Le corbiau qui mal fust venus
Vit que il fust des plumes nus.
Quant perdu ot les derrenieres
Bien vousist avoir les premières:
Lines et autres a perdu.
Tant fust honteux et esperdu
Sire Tiercelins li corbiaus,
Que avec les autres oisiaus,
N’ose ne venir ne aler.
Lors se print le paon a parler :
Qui plus haut monte qu’il ne doit
De plus haut chiet qu’il ne voudrait.
Qui en bas lieu se veut seoir,
Cil n’a dont il doie chéoir.
Et qui s’eforce et qui se bée
A ce que nature li née,
Souvent li vient pis que devant :
Bien l’aies ore apercevant :
Se la borne cognéussiez
De nature, encor ne fessiez
De plumes ne povres ne vilz ;
Mais les vostres, ce m’est avis,
Pou au mains vous souffisoit.
Ce est ce qui vous ossisoit
Et semonnoit a l’autrui prendre.
Bien en est vostre force mendie.
Pour ce autrefois advisez :
Toujours en serez moins prisez.
N’est bonne ne seure chose
De nature penser par glose,
Par faintise ou par esperance.
Qui trop haut monte, si se pense
Que voir pourra, par grant ruine,
Sa teste devant et supine. 11
D’orgueil la superstition
Requiert et ambition :
A nostre temps avons véu
Que si très haut ont bas chéu;
Vus en avons de grant demaine
Et honorés en la montaine.
Ainsi l’avons en l’escripture
En vérité et en figure.

Fable XXXIV

Notes

Iert : étoit, de erat
Sous : seul
Embleroit : prendroit, déroberoit
Barat : tromperie
Vousist : voudroit
Doie : doive
Bée : aspire
Née : nie
Au mains : au moins
Ossisoit : donnoit de la hardiesse; de audere
Semonnoit : de semondre, avertir, sommer
Supine : baissée, par terre; de supinatus