Le Loup et le Chien Eustache Deschamps (1340 - 1406)

On n'est aimé que tant qu'on peut servir

Uns paisans ot un mastin
Josne, qui le servit longtemps ;
Aux loups faisait moult de hutin,
Et gardoit ses brebis aux champs ;
Venoisons prenoit et cerfs grans,
Et si gardoit l'ostel par nuit.
Lors l'ama moult li paisans :
On est amé tant c'om fait fruit.

Mais viellesce vint en la fin
A ce chien, si devint pesans,
Car fait avait maint dur chemin ;
Lors fut a son maistre chargans ;
Batre le fait a ses sergens,
Et dist que cilz vieulz chien lui nuit ;
Les juenes fut adonc prenans :
On est amé tant c'om fait fruit.

Lors dist Rounel en son latin :
« J'ay esté tout mon corps usans
A vous paistre de maint lopin,
Garer l'ostel, femme et ensans ;
Ce me deust estre secourants,
Mais remunecacion fuit :
Soiez tuit a ce regardans :
On est amez tant qu'om fait fruit. »

ENVOI

Princes, mains sont aux cours servens
De pieça que viellesce cuit ;
Les nouveaulx boutent hors tels gens :
On est amé tant c'om fait fruit.