Lou Cha frîpou François Richard (1730 - 1814)

Un margàu qu’ovio ’gu trois quatro cos de verjo
Que l’ovian fa jurà courno un surcier,
Per ovoi voula dî ’n’auberjo
Lou poule de quàuqu’ôficier,
Tourne bientô aprei sinâ dî lo cousino :
Lou buli se tiravo, e so de fâ lou ga.
Pren gardo, disse so minino ;
Piti, tu l’y sirâ moucha.
Au ne vau pà lo creire, au lou pren e l’emporto ;
Lous vâleis lou seguen pertout :
Is l’atenden au surtî de lo porto,
L’assoumen à cos de bâtou.

Quan un vouleur o sauva lo polisso,
Mouyenan quàuqueis cos de fouei,
Quo dèurio l’eicitâ à craniei lo justiço,
Que lou foro peri, si lo lou po prenei.