D’un Vorpil et d’un Aigle qui enporta un des Faons au Gourpill Marie de France (1160 - 1210)

D’un Verpil cunte la menière
Ki fu issus de sa tesnière,
Od ses enfanz devant joa,
Un Aigles vint, l’un enpurta.
Li Gopis vait après priant
E k’il li rende sun enfant ;
Mès il nel’ volt mie escuter,
Si li cuvient à returner,
Un tizun prist de fu ardant
E sèche bûche vait cuillant,
Entur le caisne la meteit
Où cele Aglez sun ni aveit.
Qant li Aigles veit le fu espriz
Au Gorpil prie et dist, amiz,
Estain le fu , pren tun chael ,
Jà serunt ars tuit mi oisel,

Par iceste essample entendun
K’ensi est dou riche Felun,
Jà dou Pouvre n’aura merci
Pur sa plainte, ne pur son cri ;
Mais se cil s’en peut vengier
Dunc le voit-il asoplier
Cume fist li Aiglez au Gopilz
Si cum hum cunte en ces escriz,

Les Vorpil, Gourpil, Verpil, Gopis désignent tous le renard.