Du Lion et de l'Asne Ysopet II (Moyen Âge)

Un lyon de noble figure
S’acompaigna par avanture.
A un asne lait et chétif,
Qui trop miex sembloit mort que vif.
En une forest ils entrèrent :
Les bestes sauvages trouvèrent
Qui pourchasçoient leur pasture,
Chascune selon sa nature.
Sachiez que toutes s’enfouirent
Sitost comme le lyon virent :
Car toute beste creint lyon
Et par nature et par raison.
Quant le lion les regarda,
Errant a l’asne commanda
Qu’il se hasta de recaner
L’asne fist son commandement :
Si recana si laidement
Et si hault qu’oncques tel tempeste,
Ne fist mais oncques mais nule beste
Car il sembloit apertement
Que rompu fust le firmament,
Et que jùs déust devaler,
Et toutes riens acraventer.
Les bestes tel jtaour en tirent
Que il ne sceurent où il furent,
Ne nule part n’osent fouir :
Car tout ouirent retentir
Li bois entour et environ.
L’asne renforça sa raison,
Et cria plus hideusement
Qu’il ne fist au commencement.
Le lyon aus bestes s’en vint,
Et celles qu’il volut, il piint :
A l’asne dit : Tais toi, Bernart,
Bien en as desservy ta part.
Dont cuida Bernart l’oreillu,
Le fol, le lourd et le pelu,
Pour le braire qu’il avait fait,
Que pour ygal au lion estoit :
Sire Lyon, ce dist Bernard,
Votre compaings n’est pas musard :
Il n’a au monde beste née
Qui plus de moy soit redoubtée.
Dist li lyons, qui ne saroit
Ton pooir, et qui ne t’aroit
Onques en sa vie véu,
Il devrait bien estre esméu,
Qui t’oiroit si hideusement
Recaner et si haultement
Je meismes paour eusse
De toy, se je ne te cogneusse ;
Mais qui très bien te cognoistroit,
Jà tou recaner ne creindroit.
Ceuls de qui tu es cognéu,
Et qui t’ont aultre fois véu,
Ont en despit ton parenté,
Toi et toute ta pouesté.

Ainsi sont qui pour hault crier
Et pour glatir et pour jangler,
Cuident qu’on leur doit obéir
Et honorer et chier tenir.
Qui bien voudrait tex gens nomer,
Bernard les devroit apeler :
Car au parler peut-on savair
Lesquels doivent honor avair,
Et lesquels on doit refuser,
Et pour fols et musars clamer.
Le trop parler tourne a contraire
Moult plus souvent que le trop taire.

Fable VIII

Notes

Erraut ou erraument : incontineut
Recaner ou recaigner : braire
Acraventer ou accravanter : écraser, briser
Bernard ou Bernart : l’archiprêtre, nom de l’àne dans le roman du Renard
Musard : sot, lent, libertin
Pouesté : puissance, pouvoir
Glatir : aboyer
Jangler : crier, huer, bavarder.