Lou Courpatas ét lou Reynar Auguste Tandon (18? - ?)

Un Courpatâs, sus un âoubre quiiat,
Tégnè dins soun bèc un froumage :
Vous dirây pas d’ounte l’aviè tirat ;
Mais vous dirây qué, dins lou vézinage,
Òra un Réynar ruzat, (toutes ou soû)
Qué dévignèt à l'âoudoû soûla
Qu’èra pas yon d’un pélâoudoû,
Et qué jonguèt tant bén sa boûla
Qué, dins l’afâyre d’un moumén,
Sajèt lou métre jout la dèn.
Ayci lou tour d’aquél Coumpèra.
Anèt sé métre per déjout
L’âoubre ounte lou Courpatâs èra ;
Et, per né véni vite à bout,
Vous l’éncénsèt, jusqu’à yé fâyre créyre
Qué sé soun can èra proupourciounat
Aou bèou plumage qué fay véyre,
Seriè, sans contrédit, un Phènis acabat.
Lou Courpatâs, qué dé sa vîda
S’én èra pas énténdut dire tan,
Et qué, flatat alor, crézié sa vois poulîda,
Vouguèt yé réspondre én cantan ;
Ouvris lou béc : Dîou vous lou done !
Lou froumage én bas lèou séguèt,
Et lou Rèynar, qué l’agafèt,
Aou Tabouri faguèt un prone,
Qu’és bé lou tout sé lou divertiguèt.
« Saouprés à l’avéni, Moussu, qué lou qué flâta
A dé tout tén viscut ét dé tout tén vîourâ
As fraisses ét déspéns dé quâou l'éscoutarâ. »
Lou Courpatâs, qué dé dépit ésclâta,
Diguèt, én rénégan, qué yé révéndriè pâ.

Livre I, Fable 18, Le Corbeau et le Renard