Lous Mémbres et l'Estoumac Auguste Tandon (18? - ?)

Lous Mémbres un jour sé lassèrou
Dé travaiâ per l’Estoumac,
Et toutes sé coalizèrou
Per yé pa-pus rampli lou sac.
Chacun d'éles céssèt dé fâyre
Cé qu’aviè fach jûsquas alor ;
Et l'Estoumac, d’aquel afâyre,
S'acaminâva vers la mort,
Sas fôrças s’én van, s’aféblîssou,
Lous mémbres qué s’én résséuitîssou,
Vôlou bé yé rémédiâ,
Et réparâ soun impradénça,
Mais, aféblis coûma l'èrou dejâ,
Pôdou pa-pus yé dounâ d’assisténça,
Et l’Estoumac, qué mouriguèt,
Dins lou toumbéou lous éntrénèt.

Sé lou Francés, un jour, aviè lou cor prou lache,
Sé vouiè pa-rés fa per lou public Trésor,
Qu subiriè lou mêma sort,
Qu toumbarié dins l’ésclavage.

Livre I, Fable 25, Les Membres et l'Estomac