Du Loup qui se veult accompaignier au Chien Ysopet I (Moyen Âge)
Ores avint que Ysangrins
Et dams Rouveaux li bous matins
En un bois s’entr’accompaignierent
Et moult grant pièce ensemble alerent.
Ce dit li loup a dam Rouveau :
Moult avez ores belle peau ;
A ce ai-je bien connéu
Que bien avez esté peu :
Ne semblez pas estre afamés?
Non, dit le chien, ains suis amés
De mon seigneur, que il me tient
Si aise comme il me convient :
Assez me fait ce qui me plaist
Et de sa viande me paist
De chaume ay bon lit par raison.
Des larrons li gart sa maison,
Que nulz par nuit ne li mefface,
Par mon abay tous les en chace :
Si ne li fais autre besoingne.
Grant désir ai qu’a toi m’ajoigne ,
Dit le loup, et de telle vie
Od toy mener, ai grant envie.
Et je le veuil, a dit Rouviaux,
Encores plus que tu ne viaux.
Or s’en vont li dui compaignon.
Le loup regarde le gaignon
Vit que le col pelé avoit :
Demanda li d’où ce venoit ?
Biau compains, se respont le chien,
Je suis de jour mis en lien,
Que je ne puisse ne ne doie
Mordre ceulz qui passent la voie.
Là où je veuil vais toute nuit.
Dit le loup : Ne pris-je déduit
Et tel aise com je souloie.
Que je, pour mon ventre, serf soie!
Unis francs povre homs plus habunde
Que le plus riches serfs du monde.
L’homme serf ne puet avoir rien :
Mais le franc a soi et le sien :
Franchise est si bonne et si douce.
Nulle douceur à luy ne touche.
En ma franchise me tendre,
Jà, se Dieu plaist, ne la vendre.
Qui franchise vent pour avoir,
Bien dessert a soufrance avoir.
L’or et l’argent de toute frise
Ne d'allemont ne vault franchise:
Car on ne la peut estimer
Ne par prose ne par rimer,
Ne on ne la puet comparer:
Contre lui ne se scet parer,
Chose nulle qui soit en terre.
Sur toutes choses l’estuet querre.
La fallace d’amphibolie 7
Efacier fait la seigneurie.
Comparer à mort servitute,
Mort, qui es drois, giette et abute ;
Dont doit bien hair cils sa panse
Qui l’ot difame et desavance
Qui court et fuit isnel le cours
Des palais, sales et es cours
Des rois, des princes et du pape.
.................. viende grape
Qui est jà plains de bénéfices
Est encor si fos et si nices
Qui ne veult mengier sus sa table
Et ne faire bien agréable,
De son pain ne veult faire souppc.
Au povre que mescbief assouppe
Quant le crucefix a gaingnié,
Mest durement fut mehaingnié,
Et se bailla pour racheter,
!Nos de servitute geter.
Des cielx le pere débonnaire,
Dieu que d’amour tant post à traire,
Bailla son fdz, par tanreté,
Afin que fusiens racheté.
Fable LI
Notes
Ysangrins : nom du loup dans le roman du Renart
Péu : nourri, de paître
Viande : tout ce qui sert à entretenir la vie
Od : avec
Viaux : veux
Gaignon, ou gagnon, ou gagneon : chien
Amphibolie : peut-être amphibologie
Mehaingnié : estropié, mutilé
Tanreté ou tenreté : tendresse.
