La Truie et le Loup Gilles Corrozet (1510 - 1568)
Promesse de faulx amy.
La promesse bien souvent
Est plus legiere que vent,
Ou pour prouffict de celluy
Qui le promect a aultruy.
Une Truye cochonnoit,
Sy venoit.
Ung Loup qui en sa finesse
Feit promesse
A la Truye de l'ayder,
Et garder
Les Cochons a leur saillir
Sans faillir.
Lors luy respondit la Truye,
Esbaye,
Qu’el n’avoit de luy affaire
Necessaire,
Qu’il la voulloit decevoir
Pour avoir
Ses Cochonnetz tant petis
Et gentilz..
Et luy pleust sans plus parler
S’en aller,
Car trop mieulx en son absence
Qu’en presence
Ses petits cochonneroit,
Bt seroit
En plus grande liberté,
Seureté :
Car ce fut pour son prouffit.
Ce qu'il feit.
En faulx amy, quoy qu’il die,
Ne te fie.
Titre original : De la Truye et du Loup
