Du biau Chêne qui ne se vouloit flechir contre le Vent Ysopet Avionnet (Moyen Âge)

Un biau chêne qui plantés yere
En un mont, sus une riviere,
Si biaus, si fort, si gros estoit
Que nuis vens il ne redoubtoit;
Tant estoit grans arbres et hautz,
De tous vens souffroit les assaus :
. One tant n’oserent aproichier
Que de riens le fissent plessier ;
Mais tant soufflèrent et venterent
Les vens, qu’a terre le portèrent.
One si bien ne se deffendi,
A val en l’iave descendi,
Que oneqs ne pot avoir secours.
A val s’en va, si com le cours
De l’iaue le marne vers rosel,
Qui là estoient et grant et bel,
Qui empechierent qu’il passât
Sans ce que nuis d’eulz se quassat.
Au chêne grant merveille vient
Du roseau, comment il se tient
Contre l’iaue, contre le vant,
Ainçois ne s’en va plus grevant ;
Mais de ce s’amerveille en force
Par quel guille, ne par quel force,
Il est illecques détenus
Entre les roselés menus,
Qui n’ont ne vertu ne puissance,
Et de ce a soy meismes tance.
Li roisiaux qui ce oï tout,
Respont : Foibles sui-je sans dout:
En ce m’a fait plus grant salut
Que ta force ne t’a valut,
Pourquoy en tel orgueil estoies
Que nul vent tu ne redoubtoies ;
Et t’en est si bien advenu
Que tu en es pour fol tenu.
Mes quant je voi le vent venir
Contre qui ne me puis tenir,
Mieux me vaut le col abessier
Et moy tout bellement bessier,
Que a plus fort de moy combattre.
Tu fusses encor a abattre,
Se eusses voulu souploier
Et toi contre plus fort ploier.

L’en doit au plus bas de la soif
Passer qui de bien faire a soif.
Fos est cils qui contre plus fort
Veut contraitier : ains le déport,
Et par souffrir et escouter
Faire semblant de le doubter.