Du Renart et de la Segogne Ysopet I (Moyen Âge)

Regnart a qui rien n’abeli
Semont de mengier avec li
La segogne sa bonne amie ;
Elle ne li refusa mie,
Qui cuida bien être péue,
Et festoyée et bien recette,
Ne a nulz barat n’entendi.
Renart sur la table espandi
Plain pot de miel que il avoit
Qu’a mangier donner li devoit.
Cil vit le miel et laiche et suce
Et prie celle qu’elle manjusse;
Mais n’en puet a soy riens traire :
Car elle n’a bec à ce faire.
Si se pourpense par quel art,
Elle conciliera le renart.
Renart semont : si appareille
Trop bonne viande a merveille,
La meillieur qu’appareiller pot;
Puis si la mist dedens un pot
Qui a le col lonc et estroit :
Comme ampolle de voirre estoit.
Renart ni pout le col bouter,
Ne de la viande manger;
Mais la cigouingne bien en goûte
Qui jusqu’au fonds le bec y boute.
Renaî t vousit à ce besoing
Qu’il eut bec en lieu de groing.
La viande qui bon fleuroit,
Et par le voirre paroissoit,
Fait à renart sa fain doubler
Et de lecherie troubler.
Bien reçoit-il le conchiement
Que il trouva premièrement
Si du miel l’oisel ne manja,
Assés de lui se revenja.

Qui fait que a soi ne voudroit,
S’il s’en repent, c’est à bon droit.
L’en trouve en droit, qui bien le quiert :
L’une bonté l’autre requiert.
Si corne seras agréable,
Je te serai, sans nulle fable :
Mais au tricheur qui sa foy ment
Faire doit-on semblablement;
Sus celi qui fait tricherie
Reviengne barat et bordie.

Fable XXXIII

Notes

Abelir : plaire
Segogne : cigogne
Pêne : nourrie, de paître, pascere
Barat : tromperie, friponnerie
Espandi : répandit
Conciliera : attrapera, dupera
Lecherie : gourmandise, luxure
Conchiement : attrape, tromperie
Bordie : mensonge.